Թափուր աշխատատեղեր

 

1.  "Պրոմեթեյ Պրոգրես" ուսանողների մասնագիտական վերապատրաստման ծրագիր

 2013 թ. հունիսի 20-ից կմեկնարկի "Պրոմեթեյ Պրոգրես" ուսանողների մասնագիտական վերապատրաստման ծրագիրը:

Մասնակիցները՝
1. ԵՊՀ տնտեսագիտական Ֆակուլտետի 4-րդ կուրսի, մագիստրատուրայի 1-ին, 2-րդ կուրսի ուսանողները,
2. ՀՊՏՀ 4-րդ կուրսի, մագիստրատուրայի 1-ին, 2-րդ կուրսի ուսանողները,
3. Ֆինանսաբանկային Քոլեջի շրջանավարտները:

Ժամկետը՝
2013թ. հունիսի 20-ից Պրոմեթեյ Բանկը կմեկնարկի "Պրոմեթեյ Պրոգրես" ուսանողների մասնագիտական վերապատրաստման ծրագիրը:
Ծրագրի տևողությունն է 2 ամիս:

Պահանջները՝
•  ԵՊՀ տնտեսագիտական Ֆակուլտետի 4-րդ կուրսի, մագիստրատուրայի 1-ին, 2-րդ կուրսի ուսանող, , 4-րդ կուրսի, մագիստրատուրայի 1-ին, 2-րդ կուրսի ուսանող, ՖԲՔ շրջանավարտ,
•  բարձր առաջադիմություն,
•  սովորելու ցանկություն և նախաձեռնողականություն,
•  MS Word և MS Excel ծրագրերի իմացություն,
•  հաղորդակցման հմտություններ,
•  պատասխանատվության զգացում,
•  օտար լեզուների իմացություն:

"Պրոմեթեյ Պրոգրես" ծրագրին դիմելու կարգը՝
Մինչև ս/թ հունիսի 15-ը ներկայացնել՝ համառոտ ինքնակենսագրություն (CV, Resume) հայերեն լեզվով, դիպլոմ և բոլոր առարկաների գնահատականները՝ սքան արված տարբերակով, հետևյալ էլեկտրոնային հասցեով` hr@prometeybank.am կամ Պրոմեթեյ բանկի գլխամասային գրասենյակ` ք.Երևան, Հանրապետության 44/2 հասցեով:

Նպատակը՝
1. Ծանոթանալ և հաղորդակցվել Պրոմեթեյ Բանկի կորպորատիվ արժեքներին, մշակույթին, երկարամյա պատմությանը:
2. Ձեռք բերել գիտելիքներ ՀՀ բանկային համակարգի ընդհանուր գործունեության մասին:
3. Ծանոթանալ ՀՀ բանկային օրենսդրությանը, ՀՀ ԿԲ նորմատիվային և այլ ակտերի:
4. Կիրառելով տեսական գիտելիքները՝ կիրառական գիտելիքներ և կարողություններ ձեռք բերել պրակտիկայում, Բանկի մասնաճյուղերում և գլխամասային գրասենյակում:
5. Ստանալ հնարավորություն հետագայում աշխատանքի անցնելու Պրոմեթեյ Բանկում:

Աշխատանքի հնարավորություն՝
Պրակտիկայի ընթացքում և թեստավորման արդյունքում լավագույն գնահատականներ ունեցող մասնակիցները հնարավորություն կունենան Բանկում աշխատանքի անցնելու օպերատոր-գանձապահի, հաշվապահի, դիլինգի մասնագետի, պլաստիկ քարտերի մասնագետի, վարկային մասնագետի և այլ առկա թափուր պաշտոններում: Մասնակիցները կստանան ծրագրի ավարտական վկայականներ:

2. «Պրոմեթեյ Բանկ» ՍՊԸ հայտարարում է մրցույթ Տեղեկատվական Տեխնոլոգիաների Բաժնի պետի թափուր աշխատատեղի համալրման նպատակով:

Ներկայացվող պահանջներ

• Բարձրագույն մասնագիտական (տեխնիկական) կրթություն,
• Բանկային համակարգում առնվազն 3 տարվա մասնագիտական աշխատանքային փորձ,
• Կառավարման փորձառություն և հմտություններ, թիմում աշխատելու և կառավարման հմտություններ,
• ՏՏ ոլորտին վերաբերվող ՀՀ իրավական ակտերի իմացություն,
• ՀԾ-բանկ 4.0, Բանկի տեղեկատվական ենթակառուցվածքի, ինչպես նաև MS SQL Server 2008 համակարգի գերազանց իմացություն,
• Հաղորդակցման և բանակցություններ վարելու հմտություններ, իրավիճակներում արագ կողմնորոշվելու ունակություն,
• Նախաձեռնողականություն և պատասխանատվության զգացում:

Պարտականություններ

• ՏՏ Բաժնի առջև դրված խնդիրների, նպատակների իրականացման ապահովում,
• Բաժնի աշխատակիցների կողմից իրենց պարտականությունների կատարման հսկողության իրականացում, աշխատանքի կազմակերպում,
• Տեղեկատվական ծառայությունների որակի պատշաճ մակարդակի ապահովման միջոցների ձեռնարկում և միջոցառումների իրականացում,
• Բանկի տեղեկատվական համակարգերի և ծառայությունների հետ կապված նոր նախագծերի ուսումնասիրում, ներկայացում, փորձարկում, ներդնում և կառավարում,
• ՏՏ ենթակառուցվածքի և նրա բաղադրիչ մասերի հզորությունների, հուսալիության և ծանրաբեռնվածության կառավարում,
• Բաժնի աշխատանքների վերաբերյալ Բանկի ղեկավարությանը հաշվետվությունների ներկայացում:

Անհրաժեշտ փաստաթղթեր

Ներկայացնել համառոտ ինքնակենսագրություն (CV, Resume) հայերեն լեզվով հետևյալ էլեկտրոնային հասցեով` hr@prometeybank.am կամ Պրոմեթեյ բանկի գլխամասային գրասենյակ` ք.Երևան, Հանրապետության 44/2 հասցեով:

 

Այլ պահանջներ

Փաստաթղթերի ներկայացման վերջնաժամկետն է՝ 31.05.2013թ. ժ.18:00: Հարցազրույցի կհրավիրվեն միայն նախնական փաստաթղթային ընտրությունն անցած անձինք:

 

3. «Պրոմեթեյ Բանկ» ՍՊԸ հայտարարում է մրցույթ «Վանաձոր» մասնաճյուղի օպերատոր-գանձապահի թափուր աշխատատեղի համալրման նպատակով:

Ներկայացվող պահանջներ
•բարձրագույն մասնագիտական (տնտեսագիտական) կրթություն,
•բանկային համակարգում` հաճախորդների հաշվարկա-դրամարկղային սպասարկման ոլորտում առնվազն 1 տարվա մասնագիտական աշխատանքային փորձ,
•բանկերում հաճախորդների հաշվարկա-դրամարկղային սպասարկումը կանոնակարգող ՀՀ բանկային օրենսդրության, ՀՀ ԿԲ նորմատիվային և այլ ակտերի իմացություն,
•MS Word և MS Excel ծրագրերի, ինչպես նաև ՀԾ-բանկ 4.0 իմացություն,
•հաղորդակցման հմտություններ,
•պատասխանատվության զգացում,
•ազատ հաղորդակցվելու և շփման ունակություններ,
•բարեկիրթ, վարվելակերպի կանոնների տիրապետում,
•հայերեն, ռուսերեն լեզուների գերազանց տիրապետում, անգլերենի իմացությունը առավելություն է:

Պարտականություններ
•կանխիկ արժույթի կանխիկ մուտք, ելք, ընդունում, տրամադրում,
•մուտքերի և ելքերի ձևակերպում,
•բանկային փոխանցումների իրականացում,
•ֆիզիկական և իրավաբանական անձ հաճախորդների հաշվարկա-դրամարկղային սպասարկում,
•հաճախորդներին բանկի ծառայությունների մասին տեղեկացում,
•այլ հանձնարարված աշխատանքների կատարում:

Անհրաժեշտ փաստաթղթեր
Ներկայացնել համառոտ ինքնակենսագրություն (CV, Resume) հայերեն լեզվով և լուսանկար հետևյալ էլեկտրոնային հասցեով` hr@prometeybank.am կամ Պրոմեթեյ բանկի գլխամասային գրասենյակ` ք.Երևան, Հանրապետության 44/2 հասցեով:

Այլ պահանջներ
Փաստաթղթերի ներկայացման վերջնաժամկետն է 31.05.2013թ. ժ.18:00:
Հարցազրույցի կհրավիրվեն միայն նախնական փաստաթղթային ընտրությունն անցած անձինք: