Տեղեկատվություն
Էջի տեղեկատվությունը թարմացվել է` 27/07/2010 15:30
ԲԱՆԿԻ ԱՌԱՔԵԼՈՒԹՅՈՒՆԸ
Բանկի փայատերերի համար, ներդրումային ռիսկի ընդունելի սահմաններում, ապահովել շուկայական պայմաններին համապատասխանող եկամտաբերության բավարար մակարդակ, բանկային գործիքների հարուստ զինանոցի ձևավորմամբ և զարգացմամբ իրականացնելով առնվազն հայրենական ստանդարտների միջին մակարդակից բարձր որակի ծառայությունների մատուցում` դրանց «գնի» և տրամադրման որակի ռացիոնալ համատեղմամբ:
ԲԱՆԿԻ ՄԱՍԻՆ
«Պրոմեթեյ Բանկ» ՍՊԸ Հայաստանի առաջին առևտրային բանկերից մեկն է, որը դիմակայելով բանկային օրենսդրական դաշտի բազմաթիվ խստացումներին, պահպանելով օրենքների և նորմատիվ ակտերի պահանջները, առ այսօր հաջողությամբ շարունակում է իր գործունեությունը` տարիների ընթացքում իր կայուն դիրքը գրավելով ՀՀ բանկային համակարգում:
Բանկն իր արդյունավետ և հետևողական քաղաքականության շնորհիվ, ապահովում է հաճախորդներին միջազգային չափանիշներին համապատասխան բանկային ծառայությունների տրամադրում, կիրառելով գործող անհրաժեշտ բանկային տեխնոլոգիաները և օգտագործելով կուտակված զգալի փորձը:
Բանկի աշխատակիցների բարձր մասնագիտացումը, ֆինանսական շուկաների լավ իմացությունը և հաճախորդների նկատմամբ անհատական մոտեցումը, հնարավորություն են տալիս հաճախորդներին ապահովել բիզնեսի զարգացման բարենպաստ պայմաններ` ապահովելով նրանց համար հաջողության և կայունության մթնոլորտ:
Այսօր, երբ Հայաստանի տնտեսական իրավիճակը ներազդված է համաշխարհային ֆինանսական ճգնաժամի զարգացումներով, մենք պատրաստ ենք մեր հաճախորդներին տրամադրել բանկային և ֆինանսական գործարքների մի ամբողջ շղթա, որպեսզի նրանք կարողանան առավելագույնս օգտագործել իրենց հնարավորությունները, պահպանեն և մեծացնեն սեփական կապիտալը:
ԲԱՆԿԻ ՄԱՍՆԱԿԻՑՆԵՐԸ
- «Զակնեֆտեգազստրոյ Պրոմեթեյ» ԲԲԸ - գործունեության ոլորտը` գազատարերի և նավթամուղերի շինարարություն, գործունեության տարածաշրջանը` ՌԴ դաշնություն, փայամասնակցության չափը` 92.25%:
- Վազգեն Սիմոնի Գևորգյան - ՌԴ քաղաքացի, փայամասնակցության չափը` 7.75%:
ԲԱՆԿԻ ԶԱՐԳԱՑՄԱՆ ՀԻՄՆԱԿԱՆ ՓՈՒԼԵՐԸ ԵՎ ՁԵՌՔԲԵՐՈՒՄՆԵՐԸ
| 1990 | Հիմնադրվել է Պրոմեթևս Առևտրային Բանկը` գործունեություն ծավալելով մայրաքաղաքի Հ. Քոչար, 19 հասցեում: |
| 1993 |
Հոկտեմբերի 23-ին լիցենզավորվել է ՀՀ ԿԲ-ի կողմից` թիվ 27 ընդհանուր |
| 1996 | Վերանվանվել է` Պրոմեթևս Բանկ Սահմանափակ Պատասխանատվությամբ Ընկերության: |
| 2000 | Անդամակցություն SWIFT համակարգին: |
| 2001 | Վերանվանվել է «Պրոմեթեյ Բանկ» ՍՊԸ` տեղափոխվելով և իր գործունեությունը շարունակելով Բանկի նորակառույց ու հարմարավետ մասնաշենքում (Հանրապետության 44/2 հասցեում): |
| 2005 | Հիմնվել է ֆիզիկական անձանց միջև ոչ առևտրային բնույթի շտապ փոխանցումների (express- փոխանցումներ ) համակարգ` ՌԴ «Промсвязьбанк» ՓԲԸ-ի հետ համատեղ: Արտոնագրվել են «Տիգրան Մեծ» և «Կասյան» մասնաճյուղերը: Ստացել է MasterCard Europe համակարգի թողարկող և սպասարկող մասնակցի կարգավիճակ: |
| 2006 | Սկսել է թողարկել Maestro, MasterCard Standart, MasterCard Gold, MasterCard Business տիպի պլաստիկ քարտեր: |
| 2007 | Առաջին կիսամյակի վերջում Բանկի կանոնադրական կապիտալը համալրվեց 3.500,0 մլն. ՀՀ դրամ գումարով` 01.07.07թ. դրությամբ կազմելով 7200,0 մլն. ՀՀ դրամ: ՌԴ արժեթղթերի շուկայում Բանկի հաճախորդներին մասնագիտացված ծառայություններ մատուցելու նպատակով` Բանկը դիմեց ՀՀ կենտրոնական բանկ և ստացավ ՀՀ արժեթղթերի շուկայում մասնագիտացված գործունեության բրոքերային (դիլերային), արժեթղթերի պահառուի / արժեթղթերի հավատարմագրային կառավարման գործունեության լիցենզիաներ` դառնալով ՀՀ բանկային համակարգում միակ բանկը, որը ՀՀ կենտրոնական բանկի կողմից ստացել էր արժեթղթերի շուկայում մասնագիտացված գործունեության բոլոր երեք լիցենզիաները: Կնքվեց բրոքերային սպասարկման պայմանագրի ՌԴ «Ֆայնենշլ Բրիջ» Ինվեստիցիոն Ընկերության հետ` ՌԴ արժեթղթերի շուկայում գործունեություն ծավալելու նպատակով, ներդնելով NET Investor ծրագիրը, որը հնարավորին դարձրեց տեղեկանալ Մոսկվայի Միջբանկային Արժութային Բորսայում (ММВБ) շրջանառվող արժեթղթերի գնանշումներին և on-line ռեժիմում գործարքներ իրականացնել (ինչպես հաճախորդների, անյպես էլ Բանկի անունից): Ռայֆայզեն Ցենտրալբանկի հետ կնքվեց ԱՄՆ դոլարի, ԵՎՐՈ-ի և ՌԴ ռուբլու արտահանման և ներմուծման պայմանագիր (գործարքների իրականացման նվազագույն սակագներով), ինչպես նաև Ավստրիայից ոսկու ստանդարտ ձուլակտորների ներմուծման պայմանագիր: Անդամակցություն ֆիզիկական անձանց դրամական փոխանցումների «MIGOM» և «Anelik» համակարգերին: Արտոնագրվել է «Երվանդ Քոչար» մասնաճյուղը: |
| 2008 | Բանկը տարեսկզբից ակտիվորեն սկսեց իրականացնել «MoneyGram» դրամական փոխանցումների համակարգի սպասարկում: Առաջին անգամ Հայաստանում 2008թ. մայիսի 21-ին և հուլիսի 17-ին Բանկը թողարկեց և փակ տեղաբաշխման միջոցով Շվեյցարական «Ի ԷՖ ՋԻ» Բանկ Ցյուրիխին վաճառեց համապատասխանաբար 5 տարի մարման ժամկետով 2,0 մլն. և 1 տարի մարման ժամկետով 4,5մլն. ԱՄՆ դոլար ընդհանուր անվանական արժեքով 120 հատ սեփական ոչ փաստաթղթային առանց ապահովվածության պարտատոմսեր` 6% տարեկան տոկոսադրույքով: ՀՀ արժեթղթերի շուկայում մասնագիտացված գործունեությանը վերաբերող օրենսդրական փոփոխություններին համապատասխան` մշակվել և ՀՀ ԿԲ ներկայացվել Բանկի կողմից ներդրումային ծառայությունների մատուցումը կարգավորող ներքին ակտերի ամբողջական փաթեթը ինչի հիման վրա 01.07.08թ.-ից Բանկը շարունակել է մատուցել համապատասխան ներդրումային ծառայություններ նոր օրենսդրական պահանջներին համապատասխան: Արտոնագրվել է «Ազատության 12» մասնաճյուղը: 2008թ. նոյեմբերի 1-ից Բանկը սկսել է թողարկել միջազգային չափանիշներին համապատասխանող, անվտանգության ժամանակակից պահանջներին բավարարող MasterCard Standard և MasterCard Gold չիպային (միկրոպրոցեսորային) պլաստիկ քարտեր` ստանալով MasterCard ընկերության կողմից հիշյալ քարտերի թողարկման համապատասխան իրավունք: |
| 2009 | 2009թ. հունիս ամսին Բանկը թողարկեց և փակ տեղաբաշխման միջոցով Շվեյցարական «Ի ԷՖ ՋԻ» Բանկ Ցյուրիխին վաճառեց 7 տարի (2560 oր) մարման ժամկետով 10 մլն. ԱՄՆ դոլար ընդհանուր անվանական արժեքով սեփական ոչ փաստաթղթային առանց ապահովվածության պարտատոմսեր: 2009թ. հուլիսին Moody's Investors Service միջազգային հեղինակավոր վարկանիշային ընկերությունը Բանկին շնորհել է ՀՀ դրամով և արտարժույթով երկարաժամկետ ավանդների ներգրավման B1 և ֆինանսական կայունության (BFSR) E + վարկանիշեր` կայուն կանխատեսմամբ (STA Outlook): |
| 2010 | 2010թ. փետրվար-ապրիլ ամսիներին Բանկը թողարկել և փակ տեղաբաշխման միջոցով արտերկրյա ներդրողի է վաճառել` 3 տարի (1095 oր) մարման ժամկետով 10 մլն. ԱՄՆ դոլար ընդհանուր անվանական արժեքով սեփական ոչ փաստաթղթային առանց ապահովվածության պարտատոմսեր: 2010թ. ապրիլին Moody's Investors Service միջազգային հեղինակավոր վարկանիշային ընկերությունը վերհաստատել է Բանկին շնորհված` ՀՀ դրամով և արտարժույթով երկարաժամկետ ավանդների ներգրավման B1 և ֆինանսական կայունության (BFSR) E + վարկանիշերը` կայուն կանխատեսմամբ (STA Outlook): |
